कक्षा ११ र १२ को नतिजा लेटर ग्रेडिङ प्रणलीबाट सार्वजनिक गर्ने निर्णय
उच्च माध्यमिक शिक्षा
परिषदले कक्षा ११ र १२ को नतिजा लेटर ग्रेडिङ प्रणलीबाट सार्वजनिक गर्ने निर्णय
गरेको छ । यसपालीको एसएलसीको नतिजा ग्रेडिङ प्रणालीबाट गर्ने निर्णय भएपछि
परिषद्ले उच्चमाध्यमिक तहमा पनि विद्यार्थीको मुल्यांकन सोही प्रणालीबाट गर्ने
निर्णय गरेको हो ।
सिंहदरवारमा
आज सञ्चारकर्मीसँग शिक्षा मन्त्री गिरिराजमणी पोखरेलले नयाँ शैक्षिक सत्र सुरु
हुनु अगावै सम्पूर्ण कानूनी ब्यवस्था परिमार्जनका लागि सम्बन्धित निकायसँग छलफल
जारी रहेको जानकारी दिनुभयो ।
शिक्षा
विधेयकसम्बन्धमा सम्बन्धित संसदीय समितिसँग छलफल जारी रहेको जानकारी दिदै मन्त्री
पोखरेलले नयाँ शैक्षिकसत्र सुरु हुनु अगावै पारित गर्न आवश्यक रहेको बताउनुभयो ।
बिभिन्न बिश्वबिद्यालय र लोकसेवा आयोगले ग्रेडिङ प्रणाली उत्कृष्ट रहेको
प्रतिक्रिया दिएको उहाँको भनाई थियो ।
उच्च
माध्यमिक तहमा समेत ग्रेडिङ प्रणालीको ब्यवहारिक अन्तरबस्तु र कार्यविधी तयार गर्न
मन्त्रालयले शिक्षा बिभागका महानिर्देशक खगराज बरालको संयोजकत्वमा ५ सदस्यीय
कार्यदल समेत गठन गरेको छ ।
निर्णय
कार्यान्वयनका लागि परिषदले समेत प्राविधिक महाशाखा प्रमुख दुर्गा अर्यालको
संयोजकत्वमा प्राविधिक समिति गठन गरिसकेको छ । यो समितिले कतिवटा ग्रेड कायम गर्ने
तथा ग्रेडको आधारमा विद्यार्थीको मुल्यांकन कसरी गर्ने लगायतको सुझाव दिने छ ।
सरकारले
यसै वर्षदेखि एसएलसीको नतिजा ग्रेडिङ प्रणलीबाट सार्वजनिक गर्दैछ । एसएलसीमा नौवटा
श्रेणी बनाएको छ । यस्तै एकसाता अघि मात्रै सिटिईभिटीले पनि ग्रेडिङ प्रणाली
अप्नाउने निर्णय गरेको थियो ।
सिटिईभिटीले
एसएलसीमा अंग्रेजी, गणित र विज्ञान विषयमा सी श्रेणी ल्याएका विद्यार्थीलाई
डिप्लोमा तहको कार्यक्रम अध्ययन गराउने निर्णय समेत गरेको छ । तर, स्वास्थ्य विषयका लागि
समग्रमा सी श्रेणी ल्याएकै हुनुपर्ने व्यवस्था गरेको छ ।
उच्च
माध्यमिक शिक्षा परिषदले भने कुन ग्रेडको विद्यार्थी लिने भन्ने निर्णय गरिसकेको
छैन । यो निर्णय प्राविधिक समितिको सिफारिसको आधारमा हुने बताउँदै परिषदका
उपाध्यक्ष चैतन्य शर्माले डि र इ श्रेणीका विद्यार्थी भने नलिने स्पष्ट पार्नुभयो
। यद्यपी सो बारे निर्णय हुन भने बाँकी छ ।
0 comments
??ा??ो ?्??ि?ृ?ा ?? ?े?्?ु?ो?्