माउरिन्होको अनुपस्थितिमा चेल्सी स्टोकसँग पराजित

२२ कात्तिक, काठमाडौं । खराब लयमा रहेको चेल्सी इंग्लिस प्रिमियर लिग फुटबलमा स्टोक सिटीसँग पराजित भएको छ ।
स्टेडियममा जान लागेको प्रतिवन्धका कारण प्रशिक्षक जोसे माउरिन्होको अनुपस्थिति रहेको खेलमा चेल्सी स्टोकसँग १–० ले पराजित भएको हो । लिगको १२ मा चेल्सीको यो सातौं हार हो र ११ अंकका साथ अंक तालिकाको १६ औं स्थानमा छ ।
स्टोकको जितमा मार्कोले ५३ औं मिनेटमा गोल गरे । चेल्सीले कम्तिमा एक अंक पाउन सक्थ्यो तर, अनलक्की रह्यो । पेड्रोको प्रहार पोष्टमा लाग्यो भने रेमीको गोल प्रयासलाई स्टोकका किपरले असफल पारे । चेल्सीको पनाल्टी अपिललाई रेफ्रीले अस्वीकार गरे ।
प्रशिक्षक माउरिन्होको अनुपस्थितिमा चेल्सीले पहिलो हाफमा आक्रामक खेल खेलेको थियो । तर, गोल गर्न सकेन ।
चेल्सीका समर्थकहरुले माउरिन्होको पोष्टर बोकेको थिए । च्याम्पियन्स लिगमा डाइनामो किचविरुद्धको खेलमा पनि उनीहरुले समर्थन गर्दै आफूहरु अफैं माउरिन्होको पक्षमा रहेको सन्देश दिएका थिए ।

Labels: खेलकुद