भारतमा शारदा प्रौढ विद्यापिठको उद्घाटन
धनवीर पुन, दिल्ली
नागाल्याण्ड, कोहिमा । मूल प्रवाह अखिल भारत नेपाली एकता समाज हाइस्कुल एरिया समितिले शारदा प्रौढ विद्यापिठको उद्घाटन गरि कक्षा सञ्चालन गरेको छ । नेपाली अनपढ महिला–पुरुषहरु तथा प्रौढहरुका लागि शिक्षामा पहुँच पु¥याउने उदेश्यले स्थापना गरिएको हो । शारदा प्रौढको मातृभाषामा पनि ज्ञान गराउने उदेश्य रहेको बताइएको छ । गत १ अक्टुबर १५ का दिन हरि सुनारको घरबाट आरम्भ भएको सो मातृभाषा पठनपाठन पाठ्यक्रमको उद्घाटन एरिया उपाध्यक्ष याम खवासको गरेकाछन । यस नेपाली पठनपाठन पाठ्यक्रममा १७ जना महिलाहरुले नियमित रुपमा अध्ययन गरिरहेका छन् भने कक्षाको सञ्चालन निशुल्क रुपमा एरिया सचिव हरिमोहन पोख्रेलले गरिरहका छन् । पाठ्यक्रम ३–३ महिनाको रहने साथै आगामि ३ महिनामा यो पाठ्यक्रम समाप्त भए लगत्तै पुरुषहरुको पाठ्यक्रम सञ्चालन हुने सञ्चालक हरिमोहनले बताएका छन् । पाठ्यक्रममा हालमा विशेष गरेर विवाहित महिलाहरुलाई पहिलो प्राथमिकता दिइएको छ, जसले आफ्नो नाम समेत लेख्न र पढ्न समेत जान्दैनन् ।
यस पाठ्यक्रमको पहिलो परीक्षा ३ नोभेम्बर २०१५ मा सम्पन्न भईसकेको छ । प्रवासमा बस्ने निरक्षर महिला,पुरुषका लागि संचालित प्रौढ कक्षाले सकारात्मक संदेश दिएको जानकारी संचालकले दिएकाछन ।
0 comments
??ा??ो ?्??ि?ृ?ा ?? ?े?्?ु?ो?्