बेल्डाँडीका स्थानियद्वारा सडक मर्मत
मुकेश धामी
कञ्चनपुर कार्तिक २४
कञ्चनपुरको बेल्डाँडी नगरपालिकाका स्थानियहरुले सडक मर्मत गरेका छन् । महाकाली सिँचाई नहर देखि बेल्डाँडी २ जोड्ने झण्डै एक किलोमिटर सडक मर्मत गरेको हुन । बर्षातका बेला नहरको पानीले सिपेज हुने उक्त सडक मर्मत गर्न स्थानियहरु संयुक्त रुपमा जुटेको स्थानिय जय बहादुर कुँवरले बताउनुभयो ।
नहर सिपेज भएकाले बर्षातका बेला घुमाउरो सडक प्रयोग गर्नुपर्ने बाध्यता भएकाले गाँउलेहरुले मिलेर संयुक्त रुपमा सडक मर्मत गरेको उनको भनाई छ । ‘सबैले घर घरबाट तसली ल्याएर आए धमाधम काम गरे ।’,उनले भने ‘अब हिड्न सजिलो भएको छ ।’
सडक मर्मत भएसंगै उक्त सडका आवत–जावत गर्न सजिलो भएको छ । बेल्डाँडी नगरपालिकाका निमित्त कार्यकारी अधिकृत राज बहादुर विष्टले नगरपालिका घोषणा भएसंगै स्थानियहरुमा हर्ष छाएकाले विकास निर्माणका लागि अग्रसर भएको बताए । विकासका दृष्ट्रिकोणले दक्षिणी क्षेत्रलाई राज्यले समेत उपेक्षित गरेको अवस्थामा स्थानियहरुले दैजी–बेल्डाँडी सडक कालोपत्रे नभएसम्म गाँउको विकास असम्भव भएको बताएका छन् । विकासका लागि एकजुट हुन समेत बेल्डाँडीका अग्रहजहरुले सबै दलहरुलाई आग्रह गरेका छन् । विकासका लागि दलहरु एकजुट भएर गाँउको विकास गर, र त्यसमै सबैको भलो हुने अग्रजहरुको सुझाव छ ।
0 comments
??ा??ो ?्??ि?ृ?ा ?? ?े?्?ु?ो?्