रानिशिखर गाविसको सार्वजनिक सुनुवाई कार्यक्रम सम्पन्न

दार्चुलाको रानिशिखर गाविसमा आज मिडिया विकास समाजको सहजीकरणमा सार्वजनिक सुनुवाई कार्यक्रम गरिएको छ । गाविस सचिव नरेशराज जोशी जवाफदेही बक्ता रहेको कार्यक्रममा स्थानीय आठ सहभागिहरुले जिज्ञासा तथा सुझाव राखेका छन् । जिज्ञासा तथा सुझावहरुमा रानिशिखर गविसमा रहेको इजाजत पत्रका बन्दुकहरु इलाका प्रहरी कार्यालय गोकुलेमा थन्किएको र इजाजत नविकरण गरेर पनि हालसम्म बन्दुक फिर्ता नहुनुको कारणका बारेमा गाविससँग जवाफ मागेको थिए भने गाविसको आन्तरिक आम्दानी खर्च गर्दा पारदर्शी नभएकोले सुधार गर्नुपर्ने बताएका छन् ।
मिडिया विकास समाज नेपालका सचिव लोकेन्द्र बमले सहजीकरण गर्नु भएको कार्यक्रमको सञ्चालन सदस्य खेमराज भट्टले गरेका छन् भने कार्यक्रममा ३६ जनाको सहभागिता रहेको थियो । आर्थिक बर्ष २०७१/७२ को रानीशिखर गाविसको कुल आम्दानी २७ लाख ५७  हजार १ सय ६१ रुपैँया रहेको छ भने खर्च २७ लाख ३१ हजार ८ सय १५ रुपैँया रहेको छ । कार्यक्रममा राजनीतिक दलका पदाधिकारी, वडा नागरिक मञ्चका पदाधिकारी, नागरिक सचेतना केन्द्रका पदाधिकारी लगायत स्थानीयको सहभागिता रहेको थियो ।

Labels: स्थानीय